Икки ака-ука Индзагининг А Серия доирасидаги тўқнашуви барбод бўлиш хавфи остида турибди. Бу ҳақда журналист Жанлука Ди Марцио ўз сайтида маълум қилди.
"Пиза"ни 1991 йилдан буён илк бор Италия футболи элитасига олиб чиққан Филиппо Индзаги жамоани тарк этиши мумкин. Унинг ривожланиш ғоялари ҳозирча раҳбарият томонидан етарлича қўллаб-қувватланмаяпти.
Манбага кўра, Индзагига аллақачон B Серияда иштирок этаётган "Палермо" даъвогарлик қилмоқда, унинг ўрнига эса "Верона"дан Жилардино, Пирло ва Дзанетти номзод бўлмоқда.
Қўшимча қилиш жоиз, "Интер"ни бошқараётган ака-ука Индзагининг иккинчиси ҳам Саудия Арабистони клубларининг таклифларини рад эта олмай, А Серияни тарк этиши мумкин.













