Бруно Фернандешнинг Яқин Шарққа кўчиши тобора реал бўлиб бормоқда.
Журналист Бен Жейкобснинг ёзишича, “Манчестер Юнайтед”нинг португалиялик ярим ҳимоячиси Саудия Арабистонининг “Ал-Ҳилол” клуби таклифини жиддий кўриб чиқмоқда.
Шу ҳафтада футболчининг агенти Мигель Пиньо Ар-Риёдга келди ва клуб раҳбарияти, жумладан, президент Фаҳад бин Нафел билан музокаралар олиб борди.
Ички манбалар учрашувни “самарали” деб баҳолади ва томонлар келишувга эришишганини тасдиқлади.
“Ал-Ҳилол” клублар ўртасидаги жаҳон чемпионати олдидан таркибни кучайтиришни мақсад қилган ва Фернандеш бу борада устувор вазифа сифатида қаралмоқда.
Клуб пайшанба кунига қадар футболчидан якуний жавобни кутмоқда.
