"Барселона"нинг собиқ ярим ҳимоячиси Андрес Иньеста каталонияликларнинг 17 ёшли вингер Ламин Ямал билан шартномасини узайтиргани ҳақида фикр билдирди. Янги шартнома 2031 йилгача мўлжалланган бўлиб, уни сотиб олиш тўлови 1 миллиард еврони ташкил қилади.
"Ламиннинг шартномасини узайтириш "Барселона" мухлислари учун ажойиб янгилик, у ўша ерда қолади. Умид қиламанки, у шу даражани сақлаб қолади ва йилдан-йилга ўсади, чунки у чинакам ноёб истеъдод эгаси. У "Барса"га катта қувонч бахш этади деб умид қиламан", - дейди Иньеста.
2024/2025 йилги мавсумда у барча мусобақаларда 55 та ўйин ўтказиб, 18 та гол урди ва 25 та голли узатмани амалга оширди.
