"Barselona"ning sobiq yarim himoyachisi Andres Inyesta kataloniyaliklarning 17 yoshli vinger Lamin Yamal bilan shartnomasini uzaytirgani haqida fikr bildirdi. Yangi shartnoma 2031 yilgacha mo‘ljallangan bo‘lib, uni sotib olish to‘lovi 1 milliard yevroni tashkil qiladi.
"Laminning shartnomasini uzaytirish "Barselona" muxlislari uchun ajoyib yangilik, u o‘sha yerda qoladi. Umid qilamanki, u shu darajani saqlab qoladi va yildan-yilga o‘sadi, chunki u chinakam noyob iste’dod egasi. U "Barsa"ga katta quvonch baxsh etadi deb umid qilaman", - deydi Inyesta.
2024/2025 yilgi mavsumda u barcha musobaqalarda 55 ta o‘yin o‘tkazib, 18 ta gol urdi va 25 ta golli uzatmani amalga oshirdi.
