"Милан"нинг янги мураббийи бор, клубни Массимилиано Аллегри қабул қилиб олди ва бу қишда Туркия чемпионатига ижарага юборилган Альваро Мората учун яхши белги бўлиши мумкин. Испаниялик ҳужумчи мураббий алмашгани ва у билан тил тополмагани сабабли "Милан"ни тарк этаётганини очиқ айтган эди.
Бироқ ҳозирда Сержиу Консейсау ишдан бўшатилган, Макс Аллегри эса Моратани Туриндаги "Ювентус" жамоасидаги самарали ҳамкорлик давомида яхши билади. Шу боис, Моратанинг "Милан"га қайтиш эҳтимоли анча юқори.
Эслатиб ўтамиз, Аллегри илгари "Милан"ни бошқарган ва у билан 2011 йилда Италия чемпионлигини қўлга киритган эди.
