"Milan"ning yangi murabbiyi bor, klubni Massimiliano Allegri qabul qilib oldi va bu qishda Turkiya chempionatiga ijaraga yuborilgan Alvaro Morata uchun yaxshi belgi bo‘lishi mumkin. Ispaniyalik hujumchi murabbiy almashgani va u bilan til topolmagani sababli "Milan"ni tark etayotganini ochiq aytgan edi.
Biroq hozirda Serjiu Konseysau ishdan bo‘shatilgan, Maks Allegri esa Moratani Turindagi "Yuventus" jamoasidagi samarali hamkorlik davomida yaxshi biladi. Shu bois, Morataning "Milan"ga qaytish ehtimoli ancha yuqori.
Eslatib o‘tamiz, Allegri ilgari "Milan"ni boshqargan va u bilan 2011 yilda Italiya chempionligini qo‘lga kiritgan edi.













