"Ипсвич" ҳужумчиси Лиам Делап тез орада "Челси" либосини кияди.
Жума куни кечқурун Лондон гранди келишувни якунлаш учун зарур бўлган ҳужжатларни юборди, дея хабар беради инсайдер Фабрицио Романо янгиланган ҳисоботида. Трансфер қиймати - 30 млн фунт стерлинг (35 млн евродан ортиқ). Душанба куни 22 ёшли футболчи тиббий кўрикдан ўтади, шундан сўнг трансфер расман тасдиқланади.
Лиам Делап "Ипсвич"га ўтган йилнинг ёзида "Манчестер Сити"дан деярли 18 млн евро эвазига кўчиб ўтганди. Ҳужумчи Премьер-лиганинг якунланган мавсумида "тракторчилар" сафида 37 та ўйинда 12 та гол урди ва иккита голли узатмани амалга оширди.
