"Ipsvich" hujumchisi Liam Delap tez orada "Chelsi" libosini kiyadi.
Juma kuni kechqurun London grandi kelishuvni yakunlash uchun zarur bo‘lgan hujjatlarni yubordi, deya xabar beradi insayder Fabrisio Romano yangilangan hisobotida. Transfer qiymati - 30 mln funt sterling (35 mln yevrodan ortiq). Dushanba kuni 22 yoshli futbolchi tibbiy ko‘rikdan o‘tadi, shundan so‘ng transfer rasman tasdiqlanadi.
Liam Delap "Ipsvich"ga o‘tgan yilning yozida "Manchester Siti"dan deyarli 18 mln yevro evaziga ko‘chib o‘tgandi. Hujumchi Premyer-liganing yakunlangan mavsumida "traktorchilar" safida 37 ta o‘yinda 12 ta gol urdi va ikkita golli uzatmani amalga oshirdi.
