"Ювентус" бош мураббийи Игор Тудорнинг келажаги мавҳумлигича қолмоқда.
Мутахассис март ойида жамоани қабул қилиб олди ва уни Чемпионлар лигасига олиб чиқди, шу муносабат билан хорватиялик билан шартномани автоматик равишда кейинги йилнинг ёзига қадар узайтириш банди кучга кирди. Шунга қарамай, "Ювентус" ҳали ҳам бошқа мураббий билан шартнома имзолаши мумкин, эҳтимол, шундай бўлади ҳам: нуфузли инсайдер Жанлука ди Марционинг сўзларига кўра, Тудор Турин клубида ишини давом эттириши даргумон. 47 ёшли мураббий вариантини "Рома"га кетаётган Жан Пьеро Гасперинига ўринбосар излаётган "Аталанта" кўриб чиқмоқда.
Эслатиб ўтамиз, Игор Тудор "Ювентус" бош мураббийи Тьяго Моттани алмаштирганди - уни ҳам "Аталанта" билан боғлашмоқда.













