Сербиялик тажрибали ярим ҳимоячи Душан Тадич меҳнат шартномаси муддати якунлангач, Истанбулнинг "Фенербахче" клубини тарк этди. Бу ҳақда турк клуби матбуот хизмати хабар бермоқда.
Аввалроқ, Истанбул жамоаси босниялик марказий ҳужумчи Эдин Жеко билан хайрлашгани маълум бўлганди. Унинг ҳам меҳнат шартномаси муддати тугаган.
Эслатиб ўтамиз, Тадич 2023 йилнинг ёзидан буён "Фенербахче" шарафини ҳимоя қилиб келаётган эди. Ўтган мавсумда 36 ёшли ярим ҳимоячи 53 та учрашувда майдонга тушди. Сербиялик футболчи 13 та гол урди ва 18 та голли узатмани амалга оширди.
