Serbiyalik tajribali yarim himoyachi Dushan Tadich mehnat shartnomasi muddati yakunlangach, Istanbulning "Fenerbaxche" klubini tark etdi. Bu haqda turk klubi matbuot xizmati xabar bermoqda.
Avvalroq, Istanbul jamoasi bosniyalik markaziy hujumchi Edin Jeko bilan xayrlashgani ma’lum bo‘lgandi. Uning ham mehnat shartnomasi muddati tugagan.
Eslatib o‘tamiz, Tadich 2023 yilning yozidan buyon "Fenerbaxche" sharafini himoya qilib kelayotgan edi. O‘tgan mavsumda 36 yoshli yarim himoyachi 53 ta uchrashuvda maydonga tushdi. Serbiyalik futbolchi 13 ta gol urdi va 18 ta golli uzatmani amalga oshirdi.













