"ПСЖ"ни ижара асосида тарк этган уч нафар футболчи Чемпионлар лигаси ғолиби ҳисобланмайди.
Луис Энрике шогирдлари Чемпионлар лигаси финалида "Интер"ни мағлуб этишди (5:0).
RMC Sport нашрининг хабар беришича, қишда "ПСЖ"ни ижара асосида тарк этган Милан Шкриньяр, Марко Асенсио ва Рандал Коло-Муани Чемпионлар лигаси ғолиби ҳисобланмайди. УЕФА регламентига кўра, медални қўлга киритиш учун футболчи финал куни клубда рўйхатдан ўтган бўлиши, шунингдек, турнирда камида битта ўйин ўтказиши ёки жамоанинг финал ўйини учун қайдномага киритилган бўлиши керак.
Қайд этилишича, регламентга кўра, Чемпионлар лигаси ғолиби 50 та олтин, иккинчи финалчи эса 50 та кумуш медалга эга бўлади. Бинобарин, "ПСЖ" ижарада ўйнаган футболчиларига совринларни топшириши мумкин.
"Фенербахче"да ижара асосида ўйнаётган Шкриньяр мавсумнинг биринчи қисмида "ПСЖ" сафида Чемпионлар лигасида иштирок этмади. "Астон Вилла" ва "Ювентус"да ўйнаётган Асенсио ва Коло-Муани турнирда жамоа сафида тўртта ўйин ўтказди.
