"PSJ"ni ijara asosida tark etgan uch nafar futbolchi Chempionlar ligasi g‘olibi hisoblanmaydi.
Luis Enrike shogirdlari Chempionlar ligasi finalida "Inter"ni mag‘lub etishdi (5:0).
RMC Sport nashrining xabar berishicha, qishda "PSJ"ni ijara asosida tark etgan Milan Shkrinyar, Marko Asensio va Randal Kolo-Muani Chempionlar ligasi g‘olibi hisoblanmaydi. UYEFA reglamentiga ko‘ra, medalni qo‘lga kiritish uchun futbolchi final kuni klubda ro‘yxatdan o‘tgan bo‘lishi, shuningdek, turnirda kamida bitta o‘yin o‘tkazishi yoki jamoaning final o‘yini uchun qaydnomaga kiritilgan bo‘lishi kerak.
Qayd etilishicha, reglamentga ko‘ra, Chempionlar ligasi g‘olibi 50 ta oltin, ikkinchi finalchi esa 50 ta kumush medalga ega bo‘ladi. Binobarin, "PSJ" ijarada o‘ynagan futbolchilariga sovrinlarni topshirishi mumkin.
"Fenerbaxche"da ijara asosida o‘ynayotgan Shkrinyar mavsumning birinchi qismida "PSJ" safida Chempionlar ligasida ishtirok etmadi. "Aston Villa" va "Yuventus"da o‘ynayotgan Asensio va Kolo-Muani turnirda jamoa safida to‘rtta o‘yin o‘tkazdi.
