Июнь ойининг биринчи кунида "Реал Мадрид" Тибо Куртуага сакроилиит ташхиси қўйилганини эълон қилди. Бироқ Мадрид клуби бельгиялик футболчининг тикланиш даври ҳақида ҳеч нарса демади.
AS нашри хабарига кўра, Куртуа Бельгия терма жамоасига Шимолий Македония (6 июн) ва Уэльсга (9 июн) қарши бўлиб ўтадиган ЖЧ-2026 саралашида ёрдам бера олмайди. Бироқ, муаммо жиддий эмас - ноқулайлик йўқолиши учун Тибога фақат бир ҳафта дам олиш ва даволаниш керак. Шундан сўнг дарвозабон тўлиқ ишлай олади.
Шу тариқа Куртуа клублар ўртасидаги жаҳон чемпионатида “Реал” сафида ўйнай олади. Мадридликлар ушбу турнирдаги илк ўйинини 18 июнь куни - "Ал-Ҳилол"га қарши ўтказади.
