УЕФА яқиндагина ўз ниҳоясига 21 ёшгача бўлган ёшлар ўртасидаги Европа чемпионатининг рамзий терма жамоасини эълон қилди.

«Барселона» футболчиси Тиаго Алкантара мусобақанинг энг фойдали футбочиси деб топилди. Алкантара Италия терма жамаосига қарши бўлиб ўтган финал ўйинида учта голга муаллифлик қилган ва жамоасининг ғалабасига муносиб ҳисса қўшган эди Таркибда бир қатор юлдузларга кўзингиз тушиши мумкин. Демак чемпионатнинг энг кучли 23 футболчиси қуйидагилар деб топилди.

Дарвозабонлар: Давид Де Хеа (Испания), Франческо Барди (Италия), Эрьян Нюланн (Норвегия)
Ҳимоячилар: Марк Бартра, Иньиго Мартинес, Мартин Монтойя, Альберто Морено (ҳаммаси Испания), Лука Кальдирола (Италия), Бруно Мартинс Инди (Голландия), Стефан Страннберг (Норвегия).
Ярим ҳимоячилар: Тиаго Алькантара, Иско, Асьер Ильяраменди, Коке (ҳаммаси Испания), Марко Верратти (Италия), Адам Махер, Жоржиньо Вейналдум (иккиси ҳам Голландия), Льюис Холтби (Германия), Алан Дзагоев (Россия).
Ҳужумчилар: Мората, Родриго (иккиси ҳам Испания), Фабио Борини (Италия), Люк де Йонг (Голландия).