«Сантос» клуби ҳужумчиси Неймар Бразилия А Сериясининг 11-туридан ўрин олган «Ботафого»га қарши учрашувда майдондан четлатилди. Уйда ўтган ўйин Рио-де-Жанейродан келган меҳмонлар — «Ботафого»нинг 1:0 ҳисобидаги ғалабаси билан якунланди.
Учрашувнинг 76-дақиқасида 33 ёшли Неймар қўли билан тўпни рақиб дарвозасига йўллади. Бу ҳаракати учун у иккинчи сариқ карточкани олиб, қизил карточка билан майдондан четлатилди.
Эслатиб ўтамиз, Неймар 2025 йилнинг январь ойида 12 йиллик танаффусдан сўнг «Сантос»га қайтган эди. У аввал 2023 йил августидан Саудиянинг «Ал-Ҳилол» жамоасида, ундан аввал эса «ПСЖ» ва «Барселона» сафларида тўп сурган. «Сантос»га қайтганидан бери у 12 ўйинда майдонга тушиб, 3 та гол ва 3 та голли узатма амалга оширган.
Бразилия — А Серия. 11-тур
1 июнь 2025 йил, якшанба.
Сантос - Ботафого - 0:1
Гол: Артур — 86’
Қизил карточка: Неймар — 76’













