Журналист Николо Скиранинг хабарига кўра, Клаудио Эчеверрига ҳозирда Сеск Фабрегас бошчилик қилаётган "Комо" клуби қизиқиш билдирмоқда. Италиянинг ушбу клуби вакиллари 19 ёшли аргентиналик футболчини 2025/26 йилги мавсум учун ижарага олмоқчи.

"Манчестер Сити" Клаудио Эчеверрини 2024 йилнинг январида "Ривер Плейт"дан 18,5 миллион евро эвазига сотиб олганди, аммо иқтидорли ярим ҳимоячи расман Пеп Гвардиола жамоасига фақат шу йилнинг январида келиб қўшилди.

Клаудио Эчеверри "Манчестер Сити" сафида барча мусобақаларда иккита ўйинда қатнашиб, жами 19 дақиқани майдонда ўтказди.