Испания терма жамоаси ва Лондоннинг «Челси» клуби вингери Сезар Аспиликуэтта кеча бўлиб ўтган Таитига қарши ўйиндан кейин Бразилиядаги хавфсизликдан кўнгли тўлмаганини билдириб ўтди.

Футболчилар меҳмонхонадан шаҳарни сайр қилиш учун чиқадилар ва уларни бир қатор безорилар тунаб кетишади. Бу эса футболчининг ғазабига сабаб бўлганини яшириб ўтирмади.

«Бу яхши иш бўлмади. Биз қўриқчиларга ишонган эдик. Бундай ҳолатлар келаси йил ҳам содир бўлишидан қўрқаман.

У ерда болалар ҳам бор эди. Ҳамёнини олдириб қўйган болалалар жуда ҳам қўрқиб кетишди.

Ўйин ҳақида гапирадиган бўлсам, жуда яхши ўйин бўлди. Кўпчилик мухлисларнинг Таитини қўллаб-қувватлаганликларини сезиб турдик, лекин улар стадионга футбол кўриш учун келишганди. Ҳар икки жамоа ҳам мухлислари кўз ўнгида яхши ўйнашга ҳаракат қилди.

Бугунги таркиб олдинги ўйинда майдонга тушмаган эди ва биз ўйинга чанқоқ эдик. Шунинг учун 10та гол уришга муваффақ бўлдик. «Маракана»да ўйнаш ҳамма футболчининг орзуси. Натижа ростдан ҳам эсдан чиқмайдиган бўлди»,- дейди Аспи.