Мамлакатимизнинг амалдаги чемпиони ва Кубоги соҳиби – "БМБ" жамоаси 2025 йилги мавсумда олтин дубл соҳибига айланди.

Ўзбекистон кубоги-2025 мусобақаси Нодир Элибоэв ҳамда унинг жамоасининг ишончли ғалабаси билан якунланди!

Ўзбекистон футзал федерасияси томонидан биринчи марта ўтказилган мамлакат кубоги мусобақаси ва унинг якуний Финал учрашуви мухлислар ёдида сақлиниб қолишига шубҳа йўқ. “Юнусобод” спорт мажмуасини тўлдириб ўтирган минглаб ишқибозлар қаршисида айни пайтдаги юртимизнинг энг кучли икки футзал жамоаси – "БМБ" ҳамда “Оил Стар” тўқнаш келди.

Ҳал қилувчи баҳснинг илк сониялариданоқ ташаббусни қўлга олган чемпионлар 6-дақиқада яратилган қулай вазиятдан унумли фойдаланиб ҳисобни очишди.

Ҳимоячилар эътиборидан четда қолган Давлат Ибрагимов дарвозани аниқ нишонга олди. Ўтказиб юборилган гол бухороликлар ҳимоя чизиғида парокандаликни юзага келтирди. Бу эса "БМБ"га қўл келди. Ўша дақиқанинг ўзида Жоазинио фарқни иккитага этказиб қўйди – 2:0.

Шундан кейингина “Оил Стар” ўзига келди. Таймнинг иккинчи ярмида ҳудудий устунлик ва тўп назорати бухороликлар томонида бўлди. Бу эса 13-дақиқада жавоб голини киритилишини таъминлади.

Тажрибали Нодир Элибоэв шу заҳоти тайм-аут олди ва шогирдларини хотиржамликка чорлади. Танаффусда эса мураббийлардан керакли кўрсатмаларни олган "БМБ" майдонга яна жанговор кайфиятида қайтиб, рақиб дарвозасига тезкор гол киритди. Кубок баҳслари тўпурари Музаффар Аҳаджонов энг асосий таъқибчиси Болтдан иккита тўп фарқига узоқлашиб олди. Оливейра ҳам мазкур учрашувни голсиз тарк этмади. Учрашув тугашига тўрт дақиқа қолганда айнан Болт ўйинга нуқта қўйди – 4:1.

Шундай қилиб, "БМБ" жамоаси Ўзбекистон кубогини кетма кет учинчи мавсум боши узра баланд кўтарди ва бу борада ОКМК билан тенглашиб олди.