Франция терма жамоаси ва "Милан" ҳимоячиси Тео Эрнандес Саудия Арабистони чемпионатига кўчиб ўтишга яқин турибди. Бу ҳақда инсайдер Фабрицио Романо ижтимоий тармоқлар орқали маълум қилмоқда.
Журналистнинг сўзларига кўра, унинг янги клуби "Ал-Ҳилол" бўлади. Томонлар музокаралар олиб бориб, трансфер ҳақида келишиб олдилар. Битим суммаси 30 миллион еврони ташкил этади. Яна беш миллиони бонус тўловлари сифатида кўзда тутилади.
Ўтган мавсумда Эрнандес "россонерилар" сафида 49 та ўйинда иштирок этган. Ҳимоячи бешта гол ва олтита голли узатмани ўз ҳисобига ёздириб қўйди. Теонинг "Милан" билан меҳнат шартномаси 2026 йилнинг ёзида якунига етади.
