"Манчестер Юнайтед" ҳужум чизиғини кучайтиришни мақсад қилган ва "Брентфорд" етакчиси Брайан Мбеумога жиддий қизиқиш билдирмоқда.

Журналист Флориан Плеттенбергнинг маълум қилишича, манкунианликлар раҳбарияти тез орада камерунлик ярим ҳимоячи трансфери бўйича расмий музокараларни бошлайди. Қайд этилишича, футболчининг ўзи "қизил иблислар" сафига ўтишга принципиал розилик берган. Қолаверса, клуб ва футболчи ўртасида бўлажак шартнома шартлари бўйича оғзаки келишувга эришилган. "Юнайтед" қароргоҳидагилар келишув барбод бўлмаслигига ишонмоқда.

Мбемо 2024/2025 йилги мавсумни ажойиб ўтказди ва "Брентфорд"нинг энг яхши тўпурари бўлди. Унинг ҳисобида барча мусобақаларда 42 та ўйинда 20 та гол ва 9 та голли узатма бор.