Фаолиятини якунлаб, мураббийга айланган “Арсенал”нинг собиқ футболчиси Жек Уилшер янги иш топишга яқин турибди.
Ўтган мавсумда Уилшер Чемпионшипдан вақтинчалик "Норвич"ни бошқарган эди. Жамоа унинг қўл остида 2 та ўйин ўтказди ва ўн учинчи ўринни эгаллади.
"Очиғи, менда мураббийлик амбициялари бор эди, лекин бу тез содир бўлади деб ўйламагандим. Тўсатдан мен қарор қабул қиладиган одамга айландим. Сиз футболчилар билан гаплашасиз, уларга етакчи сифатида мурожаат қиласиз ва улар сизга қарашади", - деб эслади Уилшер бу даврни.
Уилшернинг терма жамоадаги шериги Уейн Руни биринчи лигага тушиб кетган "Плимут"ни тарк этди. Уилшер бу ерга бориши мумкин, чунки "канарейкалар" тўлиқ шартнома тузишдан манфаатдор эмас эдилар.
