Шотландиянинг “Рейнжерс” клуби янги мураббий излашда давом этмоқда.
Собиқ бош мураббий Стивен Жеррардни ортга қайтаришга уринишлар муваффақиятсизликка учрагач, жамоа бошқа номзодга эътибор қаратган.
Бу ҳақда Sky Sports хабар бермоқда. Танлов собиқ ҳимоячи Расселл Мартин бўлади.
39 ёшли Мартин "Суонси" ва "Саутгемптон"да мураббий бўлиб ишлаган. Сўнгги маълумотларга кўра, мутахассис билан музокаралар илғор босқичда.
“Рейнжерс” февраль ойидан бери бош мураббийсиз қолмоқда. Мавсумнинг бир қисмида унинг вазифаларини сардор Барри Фергюсон ўз зиммасига олди.
Жамоа “Селтик”дан 17 очко ортда қолган ҳолда чемпионатда иккинчи ўринни эгаллади.
