Яқинда "Ювентус" бош директори лавозимини эгаллаган Дамьен Комолли жамоа бош мураббийи Игор Тудор билан учрашув ўтказди. Журналист Жанлука ди Марционинг хабар беришича, учрашув ижобий бўлди.
Қайд этилишича, Тудорнинг "Ювентус"даги якуний келажаги жамоанинг клублар ўртасидаги жаҳон чемпионатидаги натижасига боғлиқ бўлади. Бироқ ҳозирда "кекса синьора" раҳбарияти жамоа бошқарувчисини алмаштириш ҳақида ўйламаяпти.
Эслатиб ўтамиз, "Ювентус" Италия чемпионатини турнир жадвалида тўртинчи ўринда якунлади. "Ювентус" клублар ўртасидаги жаҳон чемпионатидаги илк ўйинини 19 июнь куни - "Ал-Айн"га қарши ўтказади.













