Мураббий Марко Барони тез орада "Торино"да иш бошлайди. Бу ҳақда журналист Жанлука Ди Марцио хабар берди.
Манбага кўра, томонлар муваффақиятли музокаралар олиб борган ва 2 мавсум муддатга келишувга эришган. Ҳужжатлар жамоанинг аввалги устози Паоло Ваноли билан шартнома расман бекор қилингандан кейин имзоланади.
"Торино" ўтган мавсумни 44 очко тўплаган ҳолда А Серияда ўн биринчи ўринда якунлади. Италия кубогида клуб фақат бир раунддан ўта олди. Натижада раҳбарият Ваноли билан шартномани узайтирмасликка қарор қилди. Марко Барони яқин вақтгача "Лацио"да ишлаган. Бир ҳафта олдин унинг "Торино"га ўтиши мумкинлиги маълум бўлганди.













