"Бавария" ярим ҳимоячиси Жоау Палинья яна келажаги ҳақида гапирди.
Португалиялик Мюнхендаги биринчи мавсумни унчалик муваффақиятли ўтказмади, асосий таркибда ўзини кўрсата олмади.
"Шартномам тугашига ҳали 3 йил бор. Мен мураббий ва спорт директори билан ўзимни кўрсатиш имконияти бўладими ёки йўқми, бу ҳақида гаплашишим керак. Бўлмаса, кўрамиз. Менинг орзум "Бавария"да муваффақият қозониш. Бу даражага етиш жуда қийин бўлди ва мен бу ерда эканлигимдан фахрланаман. Хафа бўлиш учун ҳеч қандай сабаб йўқ, биз чемпионликни қўлга киритдик", деди футболчи.
Чоршанба куни 29 ёшли ярим ҳимоячи Германияга қарши Миллатлар лигаси нимчорак финал ўйинида захирадан майдонга тушди.
