Испания терма жамоаси ярим ҳимоячиси Дани Ольмо жамоанинг ўйин услуби ҳақида ўз фикрлари билан ўртоқлашди.
"Қизил фурия"нинг услуби ҳақидаги саволга жавоб берар экан, футболчи ўзининг "Барселона"си ва Чемпионлар лигасининг амалдаги ғолиби "ПСЖ" билан ўхшашлик кўрсатди.
"Мен жамоавий ўйинчиман - замонавий футболда бу турга талаб тобора ортиб бормоқда. Терма жамоамизнинг ўйин модели жамоавий ўзаро муносабатлар асосида қурилган, бизда ўз маҳорати туфайли ўзгаришларни амалга оширишга қодир бўлган индивидуал футболчилар бор. Агар "Барселона" ва "ПСЖ"га қарасангиз, шунга ўхшаш нарсани кўрасиз", - деди Ольмо.
Бугун Испания терма жамоаси Франция билан Миллатлар лигаси финали йўлланмаси учун кураш олиб боради.
