"Ливерпуль" ҳужумчиси Коди Гакпо "Бавария"га ўтиши мумкин. Бу ҳақда Kicker хабар бермоқда.
Манбага кўра, "Бавария" нафақат "Милан" аъзоси Рафаэль Леауга, балки "Ливерпуль" аъзоси Гакпога ҳам кўз тикмоқда. "Бавария" спорт директори Макс Эберл ҳар икки футболчининг вакиллари билан музокаралар олиб бормоқда.
Бироқ, бу трансферларнинг ҳар бири 70 миллион евродан кўпроққа тушади, шунинг учун немис жамоаси келишувларни амалга ошириш учун кимнидир сотишга мажбур бўлади, дея таъкидлайди манба.
Жорий мавсумда Гакпо барча турнирларда 49 та ўйин ўтказиб, 18 та гол урди ва 7 та голли узатмани амалга оширди.
