"Liverpul" hujumchisi Kodi Gakpo "Bavariya"ga o‘tishi mumkin. Bu haqda Kicker xabar bermoqda.
Manbaga ko‘ra, "Bavariya" nafaqat "Milan" a’zosi Rafael Leauga, balki "Liverpul" a’zosi Gakpoga ham ko‘z tikmoqda. "Bavariya" sport direktori Maks Eberl har ikki futbolchining vakillari bilan muzokaralar olib bormoqda.
Biroq, bu transferlarning har biri 70 million yevrodan ko‘proqqa tushadi, shuning uchun nemis jamoasi kelishuvlarni amalga oshirish uchun kimnidir sotishga majbur bo‘ladi, deya ta’kidlaydi manba.
Joriy mavsumda Gakpo barcha turnirlarda 49 ta o‘yin o‘tkazib, 18 ta gol urdi va 7 ta golli uzatmani amalga oshirdi.
