Ўзбекистонлик собиқ футболчи, Жафар Ирисметов Ўзбекистон миллий терма жамоасининг жаҳон чемпионатига кириши ҳақида фикр билдирди.
"Менимча, бу бутун ўзбек халқининг ғалабаси, улар бизнинг футболчиларимиз учун хурсанд. Ажойиб ғалаба, биз кўп йиллардан бери жаҳон чемпионатига чиқишни орзу қилганмиз. Ҳиссиётларимизни жиловлай олмаймиз. Биз муносиб футбол кўрсатишимиз керак", - деди Ирисметов.
Айтиш жоизки, миллий терма жамоа устози Тимур Кападзе ўзбек футболи тарихига нафақат асосий жамоани биринчи марта жаҳон чемпионатига олиб чиққан, балки ёшлар терма жамоаси билан муваффақиятга эришган, уни илк бор Олимпия ўйинларига олиб чиққан шахс сифатида ҳам кирган эди.
