Испания терма жамоаси вингери Нико Уильямс Ламин Ямалнинг "Олтин тўп"ни қўлга киритишини хоҳлайди.
Испания терма жамоаси ярим финалда Францияни 5:4 ҳисобида мағлуб этиб, Миллатлар лигаси финалига чиқди.
Франция билан ўйин ҳақида:
"Бу жуда оғир ўйин бўлди. Иккала жамоа ҳам жуда яхши, аммо биз финалга чиқдик ва асосийси шу".
Бешта гол ва испаниялик ҳужумчилар ҳақида:
"Бизда ажойиб жамоа бор. Ҳужумда биз гол уриш ва паслар беришда жуда яхшимиз. Биз жуда юқори савиядамиз, Ламин, мен, Ойарсабаль ва бошқа жамоадошларимиз"
Ойарсабальнинг гол ва узатмасида ҳақида:
"Мен ўйиндан олдин Микель билан бу вазиятлар ҳақида гаплашдим ва у менга яқин туришимни, имконим бўлганда югуришни бошлашимни айтди. У жуда ақлли, у мени жуда яхши кўрди ва фақат ҳужумни якунлашим керак эди".
Ламиннинг иккита голи ҳақида:
"Умид қиламанки, у ҳар доимгидек камтарлик билан ишлашда давом этади ва унга "Олтин тўп"ни ютишини тилайман", - деди испаниялик вингер Teledeporte нашрига.
