Испания терма жамоаси футболчиси Ламин Ямал Португалияга қарши Миллатлар лигаси финал учрашуви ҳақида ўз фикрлари билан ўртоқлашди.
Пайшанба куни испанлар Францияни (5:4), бир кун олдин Португалия Германияни (2:1) мағлуб этди.
Финал якшанба куни бўлиб ўтади. "Португалия билан ўйин бугунгига ўхшаб кетади - ажойиб ўйинчиларга эга иккита ажойиб жамоа тўқнаш келади.
Лекин мен энг кучлилар ғалаба қозонишига ишонаман ва бу биз бўлишимизга умид қиламан. Биз кубокни Испанияга қайтармоқчимиз", деди 17 ёшли вингер ўйиндан кейинги интервьюсида.













