Италия миллий жамоаси бош мураббийи Лучано Спалетти Норвегияга (0:3) қарши ўйиндан сўнг ўз фикрларини билдириб ўтди.

«Биз бундай натижага лойиқ эмасмиз. Таркибдан келиб чиқиб айтсам, кўп нарсага қодирмиз, лекин қийин дамда эканлигимизни ҳам айтиб ўтиш мумкин. Бу мен танлаган таркиб.

Мағлубиятдан сўнг кўплаб саволлар келиб чиқади. Шахсан мен президент Гравина (Италия футбол федерацияси раҳбари) билан гаплашиб олишим керак. Мен танлаётган таркибга уларнинг қандай муносабатда эканлигини билишим муҳим.

Норвегияга қарши ўйинда шу таркибга ишонч билдирдим. Бундай ўйиндан сўнг ўзингга савол беришинг ва муаммолар қаерда эканлигини англаб етишинг шарт.

Табиийки, олдинда турган мана шундай тўсиқларга қарши курашиш лозим, чунки бошқа йўл йўқ», — дея Спалеттининг сўзларидан келтиради Football Italia.