Italiya milliy jamoasi bosh murabbiyi Luchano Spaletti Norvegiyaga (0:3) qarshi o‘yindan so‘ng o‘z fikrlarini bildirib o‘tdi.

«Biz bunday natijaga loyiq emasmiz. Tarkibdan kelib chiqib aytsam, ko‘p narsaga qodirmiz, lekin qiyin damda ekanligimizni ham aytib o‘tish mumkin. Bu men tanlagan tarkib.

Mag‘lubiyatdan so‘ng ko‘plab savollar kelib chiqadi. Shaxsan men prezident Gravina (Italiya futbol federasiyasi rahbari) bilan gaplashib olishim kerak. Men tanlayotgan tarkibga ularning qanday munosabatda ekanligini bilishim muhim.

Norvegiyaga qarshi o‘yinda shu tarkibga ishonch bildirdim. Bunday o‘yindan so‘ng o‘zingga savol berishing va muammolar qayerda ekanligini anglab yetishing shart.

Tabiiyki, oldinda turgan mana shunday to‘siqlarga qarshi kurashish lozim, chunki boshqa yo‘l yo‘q», — deya Spalettining so‘zlaridan keltiradi Football Italia.