"Лацио"нинг чап қанот ҳимоячиси Нуну Таварешга трансфер бозорида талаб бор.
Римликлар португалияликни Лондоннинг "Арсенал" клубидан 5 млн еврога сотиб олди, аммо тез орада уни анча қимматга сотиши мумкин. Инсайдер Николо Скиранинг маълум қилишича, вазиятни "Ювентус" кузатиб бормоқда, "кекса синьора"га Англия Премьер-лигаси ва Саудия Арабистони чемпионатининг номи ошкор этилмаган клублари рақобатчи бўлишга тайёр.
Нуну Тавареш ўтган мавсумда "Лацио" сафида 30 та ўйинда 9 та голли узатмани амалга оширди. Нуфузли Transfermarkt портали талқинига кўра, 25 ёшли латерал футболчининг нархи 25 млн еврони ташкил этади.
