ФИФА бўлажак клублар ўртасидаги жаҳон чемпионатида ўйиндан ташқари ҳолатни аниқлашнинг энг сўнгги ярим автоматик технологияси жорий этилишини эълон қилди.

Тизим ВАР қарорларининг аниқлиги ва тезлигини ошириш учун ишлаб чиқилган ва ташкилотга кўра, "Ноттингем Форест" ҳужумчиси Тайво Авоний билан содир бўлган каби баҳсли воқеаларни бартараф этиши керак.

ФИФАнинг эслатишича, "Лестер"га қарши ўйинда форвард юзага келган вазиятдан сўнг устун билан тўқнашиб кетган ва қорин бўшлиғидан оғир жароҳат олган, натижада у комага тушиб қолган.

Воқеа ВАР билан бевосита боғлиқ бўлмаган бўлса-да, ташкилот автоматлаштириш ҳакамларнинг кеч қабул қилинган қарорлари ва ўйиндаги потенциал хавфли лаҳзалар билан боғлиқ хавфларни камайтириши мумкин, деб ҳисоблайди.

Яхшиямки, Авоний жарроҳлик амалиётини муваффақиятли ўтказди ва тўлиқ тузалиб кетди. Тизим декабрь ойида бўлиб ўтган Қитъалараро кубокда, шунингдек, ёшлар ўртасидаги қатор турнирларда синовдан ўтказилган.

Янги маҳсулот ўйинчилар ва тўпнинг ҳолатини кузатиб боради, ҳакамларни юзага келиши мумкин бўлган офсайдлар ҳақида дарҳол хабардор қилади.

ФИФА ушбу технология адолатли ва хавфсиз футбол сари қадам бўлишига ишонч билдирмоқда.