"Порту" форварди Саму Омородион ёзда жамоани тарк этиши мумкин, деб хабар беради Sport.es.
Манбага кўра, 21 ёшли испаниялик футболчига "Астон Вилла," "Челси" ва "Ньюкасл" клублари қизиқиш билдирмоқда ва унинг товон пули 100 миллион евро этиб белгиланган.
Қайд этилишича, португалияликлар уни 50 миллион еврога сотиб юбориши мумкин.
Улар ўтган ёзда "Атлетико"дан 15 миллион еврога Омородионни сотиб олган эди.
2024/25 йилги мавсумда у 42 та ўйинда майдонга тушиб, 25 та гол урди ва 3 та голли узатмани амалга оширди.













