"Portu" forvardi Samu Omorodion yozda jamoani tark etishi mumkin, deb xabar beradi Sport.es.

Manbaga ko‘ra, 21 yoshli ispaniyalik futbolchiga "Aston Villa," "Chelsi" va "Nyukasl" klublari qiziqish bildirmoqda va uning tovon puli 100 million yevro etib belgilangan.

Qayd etilishicha, portugaliyaliklar uni 50 million yevroga sotib yuborishi mumkin.

Ular o‘tgan yozda "Atletiko"dan 15 million yevroga Omorodionni sotib olgan edi.

2024/25 yilgi mavsumda u 42 ta o‘yinda maydonga tushib, 25 ta gol urdi va 3 ta golli uzatmani amalga oshirdi.