Франк Рибери Криштиану Роналдунинг "Олтин тўп" ҳақидаги сўзларига жавоб қайтарди.
Ламин Ямалнинг совринни қўлга киритиш имкониятларини муҳокама қилар экан, "Ан-Наср" ҳужумчиси шундай деди: "Мукофот Чемпионлар лигасида ғалаба қозонган кишига берилиши керак. Мен индивидуал совринларга умуман ишонмайман, парда ортида қандай қарорлар қабул қилинишини биламан".
"Демак, "Олтин тўп"ни қўлга киритиш учун Чемпионлар лигасида ғалаба қозониш керакми?", дея Рибери жавоб қатйтарган.
Эслатиб ўтамиз, 2013 йилда ФИФА ва France Football томонидан ташкил этилган овоз беришда Рибери учинчи ўринни эгаллаган эди. "Олтин тўп"ни Криштиану Роналду қўлга киритди, Лионель Месси иккинчи бўлди. Ўша йили франциялик футболчи ўйнаган "Бавария" Чемпионлар лигасида ғолиб чиққанди.
