Аргентиналик мутахассис Маурисио Почеттино бошчилигидаги АҚШ терма жамоаси ўртоқлик учрашувида Туркияга мағлуб бўлгач, сўнгги 10 йилдаги антирекордни ўрнатди. Бу ҳақда One Football портали хабар берди.
Манбага кўра, Почеттино 2015 йилда Юрген Клинсманндан кейин кетма-кет учта ўйинда мағлуб бўлган АҚШ терма жамоасининг биринчи мураббийига айланди.
Эслатиб ўтамиз, аввалроқ америкаликлар КОНКАКАФ Миллатлар лигасининг ярим финалида Панамага 0:1 ҳисобида имкониятни бой берганди. Кейин бронза учун баҳсда Почеттино шогирдлари Канадага имкониятни бой беришди - 1:2.













