Туркиянинг “Фенербахче” клуби бош мураббийи Жозе Моуриньо яқин вақт ичида жамоани тарк этиши мумкин.
Бу ҳақда Испаниянинг АS нашри хабар берди.
Манба берган хабарга кўра, португалиялик мутахассис "Фенербахче" президенти Али Кох билан учрашув ўтказган.
Моуриньо ҳеч қандай ён бермоқчи эмас ва агар унга тегишли товон пулини олсагина эрта кетиши мумкин.
Товон пули 15 миллион еврога баҳоланмоқда. Моуриньо ўтган мавсум бошидан бери "Фенербахче"да ишлаб келмоқда.
Унинг жамоаси 85 очко жамғариб, чемпионатда иккинчи ўринни эгаллади. "Галатасарой" 10 очко кўпроқ тўплади.
