"Наполи" ҳужумчиси Эдинсон Кавани Италиядаги фаолияти якунланиши мумкинлиги ҳақидаги хабарларга ўз фикрини билдириб ўтди. Бу ҳақда Football Italia хабар тарқатган.
"Реал" ёки "Челси"нинг таклифини ким рад эта оларди? Келинг, очиқроқ гаплашамиз.
Ҳозир келажагим ҳақида ҳеч нарса билмайман. Ҳеч қандай аниқ янгилик йўқ. Фақат газеталардаги мақолалар бор холос, аммо уларда расмий маълумот нима қилсин. Мени ҳозир фақат миш-мишлар ўраб олган", дейди Кавани.
Эслатиб ўтамиз, аввалроқ "Челси"нинг Кавани учун 52 миллион евро тўлашга тайёр экани маълум бўлганди. Шунингдек унга "Барселона" тарафдан ҳам қизиқишлар пайдо бўлгани ҳақида хабарлар бор.