"Реал" ҳужумчиси Родриго клуб раҳбариятига ультиматум қўйишга тайёр. Футболчи “қаймоқранглилар”нинг янги устози Хаби Алонсо билан гаплашмагунча бошқа клублар билан гаплашмайди.
The Athletic хабарига кўра, Родриго мураббийдан маълум шартларни талаб қилади. Бразилиялик футболчи ё чап қанотда, ё марказда ҳужумда ўйнашни хоҳлайди. Бу лавозимларни Винисиус Жуниор ва Килиан Мбаппе эгаллаб турганини ҳисобга олсак, мураббийлар штаби Родригонинг талабларини қондира олмайди.
Бразилиялик футболчи фаолияти давомида “Реал” билан икки марта Чемпионлар лигасида ғолиб чиққан. 24 ёшли Родригога Англия Премьер-лигасининг топ-клублари, жумладан, “Арсенал” ва “Манчестер Сити” клублари қизиқиш билдирмоқда.
