Ўзбекистон терма жамоаси бош мураббийи Тимур Кападзе Қозоғистон футбол ишқибозлари томонидан кўрсатилган қўллаб-қувватлаш ҳақида ўз фикрларини билдирди. Бу ҳақда Sportarena.kz хабар берди.

“Ростини айтсам, Қозоғистондан жуда кўп табриклар ва қўллаб-қувватлов сўзларини олдим. У ерда мен унутилмас вақтни ўтказганман. Қозоғистонда дўстларим кўп. Бу мамлакатга кўрсатган қўллаб-қувватлови учун жуда миннатдорман — ахир биз биродар халқмиз. Қозоғистон терма жамоаси ва умумий ҳолда Қозоғистон футболига омад тилайман. Улар ҳам мухлисларни хурсанд қилсин,” — деди Тимур Кападзе.

Эслатиб ўтамиз, Сречко Катанец жамоани соғлиғи туфайли тарк этгач, Кападзе Ўзбекистон миллий термасини бошқарувга олди ва тўғридан-тўғри Жаҳон чемпионати—2026 йўлланмасини қўлга киритди. У футболчи сифатида Қозоғистоннинг “Актобе” жамоасида фаолият юритган.