"Манчестер Сити" расмий сайти 33 ёшли дарвозабон Маркус Беттинеллининг "Челси"дан ўтганлигини эълон қилди. Англиялик дарвозабон билан бир йиллик шартнома имзоланди. Беттинелли "шаҳарликлар" сафига Клублар ўртасидаги жаҳон чемпионатида иштирок этиш учун қўшилади.
"Манчестер Сити" билан шартнома имзолаш мен учун катта шараф. Мен бу клуб Пеп Гвардиола келганидан бери эришган ютуқларни четдан туриб ҳайрат билан кузатганман ва энди бу муваффақиятнинг бир қисми бўлишдан хурсандман.
Умид қиламанки, машғулотларда, кийиниш хонасида ва майдонда ўз ҳиссамни қўша оламан, шунингдек, келаси мавсумда имкон қадар кўпроқ совринларни қўлга киритамиз", – деди Беттинелли.
Беттинелли 2021 йил ёзидан бери "Челси" таркибида ўйнаб келган. Бу давр мобайнида у битта ўйинда майдонга тушган. Transfermarkt порталида келтирилган маълумотларга кўра, 33 ёшли футболчининг бозор нархи 600 минг еврони ташкил этади.













