Май ойи ўрталарида Родриго ижтимоий тармоқларда матбуотни келажаги ҳақида уйдирмаларни тўхтатишга чақирди. Бироқ, ўшандан бери миш-мишлар сезиларли даражада камайгани йўқ. Бразилияликни Европанинг бошқа топ клублари билан боғлашда давом этмоқда.
Улар ҳатто Родригонинг ҳужумдаги ўйин позицияси бўйича "Реал"га ультиматум беришга тайёрлиги ҳақида ёзишган.
Айни пайтда, Родриго ижтимоий тармоқларда янги пост жойлади. Бразилиялик футболчи машғулотдан олинган суратни кўрсатди ва унга бир сўз билан: "Бахтлиман", деб изоҳ ёзди.
Кўринишидан, 24 ёшли Родриго ҳозирда клубини ўзгартириш ҳақида ўйламаслигини оммага очиқ айтди. "Реал" клублар ўртасидаги жаҳон чемпионатига тайёргарлик кўрмоқда.
