Аргентина терма жамоаси бош мураббийи Лионель Скалони ЖЧ-2026 саралаш босқичи доирасида Колумбияга қарши ўйиндаги дуранг ҳақида фикр билдирди.

"Биринчи бўлимда рақиб дарвозасига яқинлашиш йўлини топа олмадик, иккинчи бўлимда эса жамоа динамикани ўзгартирди ва бизда вазиятлар бўла бошлади. Бу жамоа учта ҳимоячи билан қандай ўйнай олишини кўриш учун яхши синов бўлди", - дея мутахассиснинг сўзларини келтиради терма жамоа матбуот хизмати.

24-дақиқада “Ливерпуль” ҳужумчиси Луис Диас ҳисобни очди. 70-дақиқада Энцо Фернандес тўғридан-тўғри қизил карточка олиб, аргентиналикларни бир киши кам билан қолдирди. Бироқ орадан 11 дақиқа ўтиб Тиаго Альмада жавоб голини киритди ва Скалони шогирдларига дуранг (1:1) олиб келди.