Носир Ал-Хелайфий "ПСЖ"нинг Чемпионлар лигасидаги ғалабасини онасига бағишлади.

"ПСЖ" президентининг онаси 2019 йилнинг январь ойида вафот этди. France 5 телеканалида гапирган Ал-Хелайфий у ҳақида гапирар экан, йиғлаб юборди.

"Менга оғир, кечирасиз. Бу ҳақда гапириш менга қийин. Онам ўлгунига қадар ҳар куни биз учун дуо қилди. У мен билан бирга эди, ҳозир ҳам ёнимда эканлигини биламан.

У бизни Чемпионлар лигасида ғалаба қозонишимизни орзу қиларди. Менга қийин, чунки Чемпионлар лигасида ғалаба қозониш унинг орзуси эди. У ҳар кеча, ҳар куни ибодат қилди. У ҳар бир ўйинни телевизорда кўрди" - деди Ал-Хелайфий.