Бир неча ой олдин Дидье Дешам 2026 йил ёзида бўлиб ўтадиган жаҳон чемпионатидан сўнг Франция терма жамоаси бош мураббийлиги лавозимини тарк этиши маълум қилинганди. Тажрибали мутахассис кейинчалик мураббийлик фаолиятини Саудия Арабистонида давом эттириши мумкин.
Журналист Саша Тавольерининг сўзларига кўра, Саудия инвестиция жамғармаси вакиллари Дешам атрофидагилар билан боғланиб, унинг келажакда Саудия Арабистонида амалга оширилиши мумкин бўлган ишлари бўйича фикрини билишган. Маълумки, Саудия инвестиция жамғармаси бир вақтнинг ўзида тўртта клубни бошқаради - "Ал-Ҳилол", "Ал-Иттиҳод", "Ан-Наср" ва "Ал-Аҳли".
