Лондоннинг "Арсенал" клуби чап қанот ҳимоячиси Александр Зинченко "Милан"га ўтиши даргумон.

"Россонерилар" ёзги трансферлар вақтида сотиладиган Тео Эрнандесга ўринбосар қидирмоқда. Маълумки, "Милан"га Зинченконинг хизматларини таклиф қилишганди, бироқ келишув амалга ошиши эҳтимоли жуда кам, дейди инсайдер Николо Скира. "Канонирлар"нинг 28 ёшли футболчисининг ҳозирги маоши миланликлар учун "ҳаддан ташқари катта" ҳисобланади - айниқса, еврокубокларга чиқа олмагани клубнинг молиявий имкониятларига салбий таъсир кўрсатган бўлса.

Александр Зинченко ўтган мавсум "Арсенал" сафида 23 та ўйинда майдонга тушиб, биттадан гол ва самарали пас муаллифи бўлди.